gweledigaeth

---

Click here for English page

Wyt ti am weld ton Gymraeg newydd yn sgubo trwy Gymru? 

Mae'r llywodraeth yn trio'i gwneud hi'n bosib i'r gymuned Gymraeg dyfu i filiwn o aelodau. Ond ni'r gymuned fydd yn gorfod croesawu ac annog, a rhoi help i'r aelodau newydd ymgartrefu.

Mae "miliwn o siaradwyr" o fewn ein gafael. 

Os wyt ti am helpu i gyrraedd y miliwn, gwasga'r botwm i roi dy gyfeiriad ebost i ni , a byddwn yn cysylltu gyda rhagor o fanylion

Diben CydSiarad yw creu croeso i siaradwyr newydd.

Mae dysgu iaith newydd yn anodd. Mae defnyddio'r iaith newydd yn anoddach fyth, yn enwedig gyda phobl sydd hefyd yn gyfforddus yn siarad eich prif iaith.

Bydd CydSiarad yn ofod lle:

• bydd y Gymraeg yn brif iaith, a'r Saesneg ar gael ddim ond er mwyn hwyluso'r Gymraeg
• bydd siaradwyr newydd yn profi ac yn arfer ar fwynhad a chyfeillgarwch yn Gymraeg
• bydd siaradwyr newydd a phrofiadol yn cael eu herio a'u cefnogi i gyrraedd pa bynnag safon sy'n briodol iddyn nhw 
• gall siaradwyr newydd adeiladu a chryfhau eu perthynas â'r iaith a'i siaradwyr a'i chymuned
• gall siaradwyr profiadol greu cyfeillgarwch newydd

Bydd CydSiarad yn tywys siaradwyr newydd at galon y gymdeithas Gymraeg.

A wyt ti yn gallu ein helpu i:

• greu cyfleoedd i ddysgwyr droi'n siaradwyr, ac i siaradwyr helpu ei gilydd i ddatblygu? 
• gyhoeddi adnoddau newydd, a chyfeirio at adnoddau sydd eisoes ar gael er mwyn i bobl allu tyfu yn eu ffordd nhw eu hunain?
• greu a chynnal man canolog lle all unrhywun ymuno yn y gwaith o ddenu a helpu newydd-ddyfodiaid i'n hiaith?

Os felly, gwasga'r botwm i roi dy gyfeiriad ebost i ni, a byddwn yn cysylltu gyda rhagor o fanylion

 Y gymuned yw conglfaen ein gweledigaeth. Rydyn ni wedi ymgorffori ar sail cyd-weithredol er mwyn i'r gymuned hefyd fod yn ganolog i'r cwmni.

Rydyn ni wrthi'n datblygu y fodel ar gyfer hyn, a bydd rhagor o newyddion yn fuan. 

Os hoffet ti fod yn rhan o bethau, gwasga'r botwm i roi dy gyfeiriad ebost i ni yma, a byddwn yn cysylltu gyda rhagor o fanylion

Mae creu yn hanfodol i unrhyw gymdeithas. Wyt ti'n greadigol?

Hoffet ti greu pethau i'w rhannu gyda'r gymuned?

• Dysgu - Adnoddau i helpu sgiliau ieithyddol siaradwyr newydd
• Adloniant - caneuon, fideos, hwyl i'n diddanu
• Hanes a diwylliant - pethau i greu dealltwriaeth o bwy ydyn ni
• Syniadau am wyliau a chyfloen ymweld
• Unrhywbeth arall fydd yn helpu person i ddatblygu eu bywyd yn y Gymraeg, a'r Gymraeg yn eu bywydau

Os hoffet ti fod yn creu pethau, gwasga'r botwm i roi dy gyfeiriad ebost i ni , a byddwn yn cysylltu gyda rhagor o fanylion

Mae hanner miliwn o siaradwyr Cymraeg. Er mwyn cyrraedd Miliwn, dyna i gyd sydd angen yw i bob un ohonon ni helpu un person i ddod yn rhan o'n cymuned ni.

Pwy fydd dy un person di?

Dere â nhw i GydSiarad!